Brüssel görüşü nəticə vermədi - Paşinyan

 

 

 

O qeyd edib ki, beynəlxalq müdaxilə olmadan Bakı və Xankəndi arasında dialoq effektli ola bilməz.

 

İyulun 15-də Azərbaycan prezidenti İlham Əliyevin Ermənistanın baş naziri Nikol Paşinyanla Avropa Şurasının rəhbəri Şarl Mişelin təşkilatçığı ilə Brüsseldə görüşü keçirilib.

 

Brüsseldə Ermənistan-Azərbaycan münasibətlərinin normallaşdırılması, eləcə də sülh müqaviləsinin hazırlanması və bağlanması üzrə danışıqlar prosesi, həmçinin sərhədin delimitasiyası, nəqliyyat kommunikasiyalarının və dəhlizlərinin blokdan çıxarılması məsələləri, xüsusilə, Azərbaycanın qərb rayonları ilə Naxçıvan arasında dəhliz məsələsi müzakirə edilib.

Ermənistanın qanunsuz silahlı birləşmələrinin Azərbaycan ərazisindən çıxarılması, Azərbaycan tərəfinin "Laçın” nəzarət-buraxılış məntəqəsində qaçaqmalçılıq cəhdləri müəyyən etməsi, Qarabağın erməni əhalisinin Azərbaycan Respublikasının suverenliyi altında və qanunları əsasında yaşaması məsələləri müzakirə edilən əsas mövzular olub. 

Ermənistan və Azərbaycan liderlərinin əvvəlki görüşü iyunun 1-də Kişinyovda keçirilib. Sərhədlərin delimitasiyası və sülh müqaviləsi müzakirə olunub.

 

Gülnar