Yelo Bank artıq Masallıda!

Yelo Bank artıq Masallıda!

Yelo Bank xidmət şəbəkəsini artırmaqla əhatə dairəsini genişləndirməyə davam edir. Bu dəfə Bank Masallıda rəqəmsal konseptli yeni filialını yerli sakinlərə təqdim etdi. Bankın digər filialları kimi "Parlaq Bankçılıq” şüarına uyğunlaşdırılmış Masallı filialı da yüksək səviyyədə xidmət göstərmək üçün bütün zəruri imkanlara malikdir.

Rəqəmsal filialın ənənəvi analoqlarından əsas üstünlüyü ondadır ki, burada bank əməliyyatları xəzinə olmadan aparatlar vasitəsilə aparılır. Müştərilər nağd pul, biznes kreditləri, Yelo debet kart və digər məhsulların sifarişi ilə bərabər, fasiləsiz rejimdə hesablara mədaxil, kartdan vəsaitin nağdlaşdırılması, müxtəlif ödənişlər edə bilirlər. Yeni filial Masallı şəhəri, Heydər Əliyev prospekti 220 ünvanında yerləşir.

Yelo Bank-ın İdarə Heyətinin sədri Anar Həsənov yeni filial ilə bağlı fikirlərini bildirərək qeyd etdi ki, "Yelo-nun əsas missiyası Azərbaycanın hər bir guşəsinə parlaq bankçılıq təcrübəsini gətirməkdir. Biz Masallıdakı potensial sahibkarlığı dəstəkləmək məqsədilə onların ehtiyacına uyğunlaşdırılmış sürətli və səmərəli bank həlləri hazırlamışıq. Bu yeni filialımızla regionun böyüməsini dəstəkləmək, potensial biznes imkanlarını gücləndirmək və gündəlik bankçılığı hər kəs üçün daha sadə və əlçatan etməyi hədəfləmişik. Filialın rəqəmsal konseptli olmasının nağdsız ödənişlərin inkişafına təkan verəcəyinə də inanıram”.

Xatırladaq ki, bu il Yelo Bank Xaçmaz və Tovuz filiallarını da istifadəyə verib. Hazırda Yelo Bank-ın 19 filialı və bir özünəxidmət mərkəzi fəaliyyət göstərir. Bank ölkənin digər bölgələrində xidmət şəbəkəsini eyni konseptdə genişləndirməyə davam edəcək.

Aqro kredit ilə bağlı əlavə suallarınız var? O zaman 981 nömrəsinə zəng edin və ya Facebook, Instagram , Whatsapp və yelo.az hesablarımızı ziyarət edin.

Yelo Bank – Parlaq bankçılıq!
 

www.anews.az