Quba-Xınalıq yolunda sürüşmə baş verib, hərəkət dayanıb - Video

Quba-Xınalıq avtomobil yolunun “Nazlı bulaq” kimi tanınan hissəsində torpaq sürüşməsi baş verib.

Sürüşmə nəticəsində yola qum, palçıq və qaya parçaları tökülüb. Bu səbəbdən avtomobillərin hərəkəti dayanıb.

Yolun bağlanması Xınalığa gedən turistlərin, eləcə də ərazidə yaşayan kənd sakinlərinin gediş-gəlişində çətinlik yaradıb.

Əraziyə Azərbaycan Avtomobil Yolları Dövlət Agentliyinin əməkdaşları və xüsusi texnikası cəlb olunub. Hazırda yolun təmizlənməsi və nəqliyyatın hərəkətinin bərpası istiqamətində işlər aparılır.

Daha ətraflı “Xəzər TV”nin süjetində: