SOCAR xalis mənfəəti 3 dəfə azalıb

     

SOCAR-ın 2023-cü ilin birinci yarısında gəlirləri də 60,3 manatdan 42,2 milyarda qədər azalıb.

   

Hesabata görə, bu ilin yanvar-iyununda SOCAR-ın satış dəyəri 29,6% azalaraq 37,5 milyard manat təşkil edib.

     

Şirkətin cəmi aktivləri 30 iyun 2023-cü il tarixinə 80,8 milyard manatdan 70,4 milyard manata, dövriyyə aktivləri isə 33,4 milyard manatdan 23,4 milyard manata qədər azalıb.

     

2023-cü ilin ilk 6 ayında SOCAR-ın məcmu kapitalı 33,3 milyard manatdan 33,6 milyard manata yüksəlib.

     

2023-cü ilin iyun ayının sonuna şirkətin nizamnamə kapitalı dəyişməyərək 4,8 milyard manat təşkil edib.

     

Yanvar-iyunda şirkətin öhdəlikləri 47,5 milyard manatdan 36,7 milyard manata qədər azalıb. O cümlədən, SOCAR-ın uzunmüddətli öhdəlikləri 18,5 milyard manatdan 18,2 milyard manata, cari öhdəlikləri isə 28,9 milyard manatdan 18,6 milyard manatadək azalıb.