Gələn il ARDNF vəsaitlərinin gəlirliliyini artıracaq
08.12.2023 12:33
2024-cü ildə Dövlət Neft Fondunun (ARDNF) vəsaitlərinin illik gəlirliliyi 3,5 % təşkil edəcək, bu, 2023-cü ilin proqnozuna nisbətən 1,45 faiz bəndi çoxdur. Bu barədə Hesablama Palatasının Fondun gələnilki büdcəsinə verdiyi rəydə bildirilir.
Cari ilin 9 ayında ARDNF borc öhdəlikləri və pul bazarları alətləri üzrə 1,6 %, səhmlər üzrə 11,4 %, daşınmaz əmlak üzrə isə 3,3 % gəlirliliyə nail olub.
2023-cü ilin doqquz ayında Dövlət Neft Fondunun aktivləri 13,2 % artaraq 55 milyard 524 milyon ABŞ dolları olub.
Cari ildə Dövlət Neft Fondunun vəsaitlərinin idarə olunmasından əldə edilən gəlirlərin ilkin olaraq 2% və ya 1 590,0 milyon manat proqnozlaşdırılmış, lakin sonradan bazarda baş verən prosesləri nəzərə alaraq dürüstləşmiş büdcədə gözlənilən gəlirlilik 4,5% olaraq müəyyənləşdirilmiş, 9 aylıq icra göstəricilərinə əsasən vəsaitlərin idarə olunmasından 2 651,1 milyon manat və ya 3,1% gəlir ilə yekunlaşması bildirilib.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
