İlin əvvəlindən Azərbaycan nə qədər sığorta xidməti ixrac edib?
21.12.2023 12:10
2023-cü ilin əvvəlindən ölkədə "Yaşıl Kart" beynəlxalq sığorta sistemindən 6 milyon manatlıq sığorta xidməti ixrac edib. Bunu Azərbaycan Mərkəzi Bankının baş direktoru Ziya Əliyev bildirib.
O bildirib ki, Azərbaycan hazırda Gürcüstan və Qazaxıstandan "Yaşıl Kart" şəhadətnamələri buraxır. Bu proses növbəti illərdə daha çox ölkəni əhatə edəcək.
Ölkə ərazisində satılan Yaşıl Kart sığorta müqavilələrinin sayı və sığorta haqlarının müqayisəsi isə onu göstərir ki, 6 aylıq nəticələrə əsasən sığorta müqavilələrinin sayında 67%, sığorta haqlarında isə 97% artım olub
2016-cı ildən İcbari Sığorta Bürosu Beynəlxalq Bürolar Şurasına üzv olan milli Yaşıl Kart Bürosunun funksiyalarını həyata keçirir. Büro Yaşıl Kart sistemi üzrə əlaqələndirici, ixtisaslaşmış təşkilat kimi fəaliyyət göstərməklə, Beynəlxalq Yaşıl Kart Sistemində Azərbaycanı təmsil edir.
Son 1 ildə yığımları illik müqayisədə ən çox artan şirkət "Azərsığorta" ASC-dir. Bu şirkət 9 ay ərzində 26,678 milyon manat sığorta haqqı toplayıb ki, bu da 1 il əvvələ nisbətən 2,8 dəfə çoxdur. Daxilolmaları ən az artan şirkət isə "Naxçıvan Sığorta” ASC-dir. Bu şirkətin daxilolmaları 2,126 milyon manat təşkil edib ki, bu da 1 il əvvələ nisbətən 21,3% çoxdur.
Aytac Zeynalova
www.anews.az
Foto 
Video 
