Azərbaycanın strateji valyuta ehtiyatları $68,5 milyard olub
31.01.2024 18:40
Azərbaycanın strateji valyuta ehtiyatları 2023-cü ilin sonunda 68,5 milyard dollar həcmində qiymətləndirilir, bunu Mərkəzi Bankın sədri Taleh Kazımov deyib.
"2023-cü ildə Azərbaycanın strateji valyuta ehtiyatları 17% artaraq 68,5 milyard dollara çatıb", - Kazımov çərşənbə günü mətbuat konfransında deyib.
Onun sözlərinə görə, 2023-cü ildə Mərkəzi Bankın valyuta ehtiyatları 29,1% və ya 2,6 milyard dollar artaraq 11,6 milyard dollar təşkil edib.
Azərbaycanın strateji valyuta ehtiyatları Mərkəzi Bankın valyuta ehtiyatları, Dövlət Neft Fondunun vəsaitləri və Maliyyə Nazirliyinin xəzinə vəsaitləri hesabına formalaşır.
N.Təbrizli
www.anews.az
Foto 
Video 
