Azərbaycandan 77 nəfər dünyanın top universitetlərinə qəbul olub
15.05.2024 11:41
Azərbaycandan 77 nəfər artıq dünyanın top universitetlərinə qəbul olub. Bunu elm və təhsil naziri Emin Əmrullayev deyib.
O bildirib ki, 2024-cü ildə xaricdə təhsil proqramı üzrə bu günə olan statistikaya görə, 220 nəfər sənəd verib.
"Son illər məktəblilər arasında təşkil edilən müsabiqələrə təxminən 40 min şagirdin qatılması ölçülə bilən nəticələri görməyə kömək olur.
Əvvəlki xaricdə təhsil proqramları ilə müqayisədə son illər dünyanın ən qabaqcıl universitetlərinə yerli tələbələrin qəbul sayında xeyli dəyişiklik var. Hətta proqram siyahısından kənar qabaqcıl ali təhsil müəssisələrinə tam təqaüdlə qəbul olan tələbələrimiz var. Olimpiada qalibi olanların bu sahədə sayı daha çoxdur" – Əmrullayev "Ən yaxşı təqdimat” müsabiqəsi qaliblərinin mükafatlandırılma mərasimində çıxışı zamanı qeyd edib. www.anews.az
Foto 
Video 
