Olimpiadanın təşkilatçıları xristianlardan üzr istəyib
29.07.2024 15:39
Paris-2024 Yay Olimpiya Oyunlarının Təşkilat Komitəsi açılış mərasimində Leonardo da Vinçinin "Son şam yeməyi” əsərinin parodiyasına görə xristianlardan üzr istəyib.
"Aydındır ki, heç bir dini qrupa hörmətsizlik etmək niyyətimiz yox idi. Açılış mərasimi cəmiyyətdə tolerantlığı təşviq etmək məqsədi daşıyırdı”, - Kommunikasiya Direktoru Enn Dekamps bildirib.
Olimpiadanın açılış mərasimi, İsa Məsih və onun şagirdlərinin yerinə saqqallı qadın və qadın paltarı geyinmiş kişilərin olduğu "Son Şam yeməyi"nin parodiyasına görə tənqid olunub.
Fransalı siyasətçi Marion Mareşal və Milli Ralli Partiyasının Milli Assambleyasının üzvü Marin Le Pen şounu Fransa ilə əlaqələndirməməyə çağırıb. Həmçinin, Fransa Yepiskoplar Konfransı (CEF) hesab edib ki, açılış mərasimi zamanı "xristianların istehza və məsxərəsi” səhnələri göstərilib.
X sosial şəbəkəsinin sahibi Elon Mask da bu səhnəni tənqid edənlərdən biri olub.
Həmçinin Vatikan kilsəsi də məsələ ilə bağlı açıqlama yayıb.
Bu etirazlardan sonra isə təşkilatçılar həmin səhnənin görüntülərini Youtube kanalından silib və üzr mətni yayıblar.
Olimpiadanın açılış mərasimi iyulun 26-da Sena çayı sahilində baş tutub. Olimpiada avqustun 11-də başa çatacaq.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
