2024-cü ildə Azərbaycanın dövlət borcunun 4,9% artacağı proqnozlaşdırılır
30.07.2024 21:38
Azərbaycanın Maliyyə Nazirliyi 2024-cü ilin sonuna ölkənin dövlət borcunu 28,175 milyard manat səviyyəsində proqnozlaşdırır.
2023-cü ilin sonuna Azərbaycanın dövlət borcu 26 milyard 850 milyon manat təşkil edib. Belə ki, Maliyyə Nazirliyinin hesablamalarına görə, 2024-cü ildə Azərbaycanın dövlət borcu 4,9% artacaq.
Maliyyə Nazirliyinin "İnterfaks” agentliyinə təqdim etdiyi proqnozlara əsasən, 2024-cü ilin sonuna Azərbaycanın xarici borcunun 5,214 milyard dollara (indiki məzənnə ilə təxminən 8,9 milyard manat ) çatacağı gözlənilir. 2023-cü ilin sonunda Azərbaycanın xarici borcu 6,461 milyard dollara bərabər olub. Beləliklə, 2024-cü ildə Azərbaycanın xarici borcu 19,3% azalacaq.
Daxili dövlət borcunun 2023-cü ilin sonundakı 15,866 milyard manatdan 2025-ci ilə qədər təxminən 19,311 milyard manata çatacağı proqnozlaşdırılır. Beləliklə, 2024-cü ilin sonuna artımın 21,7% olacağı gözlənilir.
N.Təbrizli
www.anews.az
Foto 
Video 
