BP təmir işləri ilə bağlı qaz hasilatını azaldacaq
31.07.2024 16:15
"Şahdəniz" yatağından qaz hasilatı üzrə layihənin operatoruBritaniyanın BP şirkəti TANAP və Cənubi Qafqaz Qaz kəmərində planlaşdırılmış təmir işləri ilə bağlı avqustun 5-9 arası yataqdan qaz hasilatını azaldacaq. Bu barədə BP-Azərbaycan şirkətinin ictimaiyyətlə əlaqələr üzrə meneceri Tamam Bayatlı məlumat verib.
"Avqustun 5-9-u arası ixrac qaz kəmərlərində nəzərdə tutulan planlaşdırılmış təmir işlərı ilə əlaqədar "Şahdəniz” yatağında qaz hasilatı lazımi səviyyəyə enəcək”, - Bayatlı bildirib.
BOTAŞ-dan bildiriblər ki, "Şahdəniz” yatağından qaz ixracı üçün infrastrukturda aparılan texniki xidmət və təmir işləri ilə əlaqədar Türkgözü giriş məntəqəsindən Türkiyənin milli qazpaylayıcı şəbəkəsinə təbii qazın nəqli beş qaz günü müddətinə - iyulun 31-dən avqustun 5-dək dayandırılacaq. Təmir səbəbindən TANAP-ın Seyitqazi məntəqəsindən də dörd qaz günü ərzində - avqustun 5-9-u arası qaz izracı dayanacaq.
Trans-Adriatik Qaz Boru Kəmərinin operatoru olan TAP AG boru kəməri şirkəti də öz növbəsində 2024-cü il avqustun 5-9-u arasında Cənub Qaz Dəhlizi boyunca xəttin yuxarı hissəsində təmir işlərinin aparılmasının planlaşdırıldığını bildirib.
"TAP qonşu ölkələrin qazpaylayıcı sistem operatorlarını məlumatlandırıb və Avropa bazarını məlumatlandırmaq üçün təcili mesaj yayıb. Biz bu planlaşdırılmış təmir işləri başa çatdıqdan sonra normal xidmətlər bərpa ediləcək", - şirkətdən bildirilib.
N.Təbrizli
www.anews.az
Oxşar xəbərlər
Oxşar xəbərlər
İqtisadiyyat
12:24
Asiya İnkişaf Bankı ADY-nin dayanıqlı inkişaf layihəsinə 1,25 milyon dollar ayırıb
İqtisadiyyat
11:54
İlin sonunda ADB və ADY dekarbonizasiya layihəsi üzrə ilkin hesabatı təqdim edəcək
Son xəbərlər 
Daha çox
Foto 
Video 
