Transxəzər Beynəlxalq Nəqliyyat Marşrutu ilə daşımalar artıb
06.08.2024 10:23
2024-cü ilin ilk 7 ayında Transxəzər Beynəlxalq Nəqliyyat Marşrutu (TBNM, Orta Dəhliz) ilə yük daşımalar 2023-cü ilin eyni dövrü ilə müqayisədə 62% artaraq 2,5 milyon ton yük təşkil edib. Bu barədə Qazaxıstan Nəqliyyat Nazirliyi məlumat verib.
Nazirlik bu il TBNM vasitəsilə 4,2 milyon ton yük daşınacağını proqnozlaşdırır.
2023-cü ildə Orta Dəhlizlə 2,7 milyon ton yük daşınıb. Bu da 2022-ci ilin göstəricisindn 65% çoxdur.
Transxəzər Beynəlxalq Nəqliyyat Marşrutu və ya Orta Dəhliz Çin, Qazaxıstan, Azərbaycan, Gürcüstan və Türkiyədən keçməklə Avropa ölkələrinə qədər uzanır. Bakı-Tbilisi-Qars dəmir yolu xətti dəhlizin bir hissəsidir.
N.Təbrizli
www.anews.az
Foto 
Video 
