Naftoqaz SOCAR-a qaz anbarlarını icarəyə verməyə hazırdır

Onun sözlərinə görə, Kiyev Rusiyanın "Qazprom” şirkəti ilə 2024-cü ilin dekabrın sonunda başa çatacaq və hazırda fəaliyyətdə olan 5 illik tranzit müqaviləsini yeniləmək niyyətində deyil. Nəticədə Ukrayna ərazisindən gündə 42 milyon kubmetr Rusiya qazının nəqli dayandırıla bilər.

 

"Biz başqa şirkətlərlə, SOCAR-la danışıqları istisna etmirik. Amma bizim yekun müqavilə qərarlarımız yoxdur. Bizim tərəfimizdən əməkdaşlıq üçün məcburi şərt SOCAR tərəfindən Ukraynanın anbarlarında qazın saxlanmasıdır”, -  o, bu məsələnin müzakirə olunduğunu bildirib.

 

Eyni zamanda Çernışov  hesab edir ki, SOCAR Ukraynada nə qədər çox qaz saxlamağa razı olsa, bir o qədər yaxşıdır.

"SOCAR qazı bizdə saxlasa, şad olaram. Anbarlarımız 31 milyard kubmetr həcmində Avropanın ən böyük anbarıdır. Öz ehtiyaclarımız üçün anbarlarının yarısını istifadə edirik.  Digər hissə isə gəlir əldə etmək üçün icarəyə verilə bilər”, -  o bildirib.

"Naftoqaz”ın rəhbəri tranzit qazının Rusiyaya məxsus ola biləcəyi ilə bağlı suala  isə "bu, manipulyasiya və populizmdir. Qaz müəssisələri, xüsusən də iri müəssisələr çox vaxt svop yolu ilə fəaliyyət göstərirlər” cavabını verib.