İnstagramın bloklanmasına görə prezidenti tənqid etdi - Həbs olundu
13.08.2024 16:43
Türkiyə məhkəməsi İnstaqram sosial şəbəkəsinin bağlanmasını tənqid edən bir qadının "nifrətə sövq etmək və prezidenti təhqir etmək" ittihamı ilə həbs edilməsinə qərar verib. Bu barədə Haberturk məlumat yayıb.
"Youtube” kanalında yayımlanan müsahibəsində qadın sosial şəbəkədəki qadağadan danışıb. "Bu, doğru deyil. Prezident öz mülahizəsinə görə İnstaqrama qadağa qoya bilməz”, - qadın bildirib.
O, prezident Ərdoğanı və qadağanı dəstəkləyənləri də tənqid edib
Türkiyə avqustun 2-də Instagram-a girişi onun "qanunlarına və qaydalarına” əməl etmədiyinə və ictimaiyyətin maraqlarına uyğun olmadığına görə bloklayıb.
Meta-nın sahibi hökuməti narahat edən məsələlərdə səlahiyyətlilərlə əməkdaşlığa razı olduqdan sonra hakimiyyət şənbə günü qadağanı ləğv edib.
Bir gün öncə Türkiyədə Telegram sosial şəbəkəsinin bağlanması ilə bağlı da xəbərlər yayılıb.
Gülnar
www.anews.az
Foto 
Video 
