Brent nefti ucuzlaşıb

Londonun ICE Futures birjasında saat 9:09-a Brent neftinin oktyabr fyuçerslərinin dəyəri 77,05 dollar/barel təşkil edir ki, bu da əvvəlki ticarətin bağlanışına nisbətən 0,61 dollar (0,79%) azdır. Bir gün əvvəl bu kontraktların qiyməti 2,02 dollar (2,5%) ucuzlaşaraq 77,66 dollar/barel olub.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində sentyabr ayı üçün WTI markalı neftin bir barelinin qiyməti 0,62 dollar (0,83%) ucuzlaşaraq 73,75 dollar təşkil edib. Bazar ertəsi müqavilənin qiyməti 2,28 dollar (3%) azalaraq 74,37 dollar/barel olub.