STAR NEZ təmirə dayandırılıb
05.09.2024 13:39
Azərbaycan Dövlət Neft Şirkətinə (SOCAR) məxsus Türkiyənin STAR neft emalı zavodu sentyabrın 5-dən planlı texniki xidmət və təmir işləri, avadanlıqlara texniki qulluq məqsədi ilə dayandırılıb. Bu barədə "Petkim” neft-kimya kompleksinin [STAR neft emalı zavodunda 12% paya malikdir] ictimaiyyətə açıqlama platformasında [Kamuyu işıqlandırma platforması] yerləşdirilən məlumatda bildirilib.
"Bu texniki xidmətin bir hissəsi olaraq STAR neft emalı zavodunun bütün blokları sentyabrın 5-dən təxminən iki ay müddətinə dayandırılıb. Beləliklə bu müddət ərzində zavod 2018-ci ildə istismara verildikdən sonra ilk dəfə genişmiqyaslı texniki xidmətdən keçəcək”, - məlumatda qeyd olunurb.
Holdinq qeyd edir ki, bu işlər başa çatdıqdan sonra zavodun istehsal gücü 2,5% artacaq.
"Bu neft emalı zavodunun təmiri zamanı "Petkim”ə xammalın tədarükü STAR və digər tədarükçülərin ehtiyatlarından həyata keçiriləcək", - məlumatda bildirilib.
STAR neft emalı zavodu 2018-ci il oktyabrın 19-da istifadəyə verilib və Azeri Light, Kerkük və Urals kimi neft növlərinin emalı üçün nəzərdə tutulub. Zavodun gücü ildə 13 milyon ton neft emal etməyə imkan verir.
STAR "Petkim” neft-kimya kompleksini xammalla təmin edir. SOCAR Aralıq dənizi bazarında bu zavodda istehsal edilən öz dizel yanacağı və aviokeroini satır.
SOCAR STAR neft emalı zavodunun tikintisinə və inkişafına 7 milyard dollara yaxın sərmayə qoyub.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
