Xızının prokuroru qəzaya düşüb - Baş Prokurorluq

Bu gün saat 09 radələrində Xızı rayonu ərazisində “Niva” və “Toyota Camry” markalı avtomobillərin toqquşması nəticəsində Xızı rayon prokuroru Xəyalə Aslanova xəsarət alıb. Bu barədə Baş Prokurorluğun açıqlamasında deyilir. 

"Hadisə nəticəsində hər iki avtomobilin sürücüsü, o cümlədən “Toyota Camry” markalı avtomobilin içərisində sərnişin qismində olmuş Xızı rayon prokuroru Xəyalə Aslanova müxtəlif dərəcəli bədən xərarəti alıb. Zərərçəkmiş şəxslərin vəziyyəti qənaətbəxşdir və hazırda xəstəxanada müalicələri davam etdirilir.Faktla bağlı Siyəzən rayon prokurorluğunda araşdırma aparılır", - məlumatda deyilir.