Azeri Light neftinin qiyməti 71 dollar həddinə yaxınlaşır

Dünya bazarlarında Azərbaycanın "Azeri Light" (CIF) markalı nefti artım tendensiyasını davam etdirərək son ayların ən yüksək göstəricilərinə yaxınlaşıb.

Son ticarət sessiyasının nəticələrinə görə, İtaliyanın Auqusta limanı üzrə "Azeri Light" neftinin bir barelinin qiyməti 1.15 dollar və ya 1.6% artaraq 70.92 dollar təşkil edib.

Türkiyənin Ceyhan limanında (FOB bazisi) isə Azərbaycan neftinin qiyməti 1.10 dollar yüksələrək bir barel üçün 69.45 dollara çatıb.

Analitiklər qiymət artımını Qırmızı dənizdəki logistik gərginlik və qlobal enerji tələbatındakı canlanma ilə əlaqələndirirlər. Müqayisə üçün, Şimal dənizindən hasil edilən "Brent" markalı neftin hazırkı qiyməti 68.20 dollar ətrafında dəyişir.

N.Təbrizli