• $ 1.7
  • € 1.8499
  • ₽ 1.9883
  • ₺ 0.0464
  • £ 2.1989

Sahibə Qafarova Valentina Matviyenko ilə görüşüb

Sahibə Qafarova Valentina Matviyenko ilə görüşüb
17.03.2025 19:03

Bu gün Milli Məclisin sədri Sahibə Qafarova Azərbaycanda rəsmi səfərdə olan Rusiya Federal Məclisi Federasiya Şurasının sədri Valentina Matviyenko ilə görüşüb.Bu barədə Milli Məclisin Mətbuat və ictimaiyyətlə əlaqələr şöbəsindən xəbər verilib.

Əvvəlcə tərəflər arasında təkbətək görüş olub. Görüşün sonunda Valentina Matviyenko Milli Məclisin sədri Sahibə Qafarovaya Rusiya Federasiyasının "Dostluq" ordenini təqdim edib.

Sonra görüş nümayəndə heyətlərinin iştirakı ilə davam edib. Görüşdə Azərbaycan ilə Rusiya arasında siyasi, iqtisadi, humanitar və digər sahələrdə əməkdaşlıq məsələlərinə toxunulub.

Sahibə Qafarova parlamentlər arasındakı əlaqələrin rolunu qeyd edərək, ikitərəfli və çoxtərəfli əməkdaşlığın müxtəlif aspektlərinə dair fikirlərini bildirib, bu kontekstdə parlament üzvlərinin fəaliyyətinin əhəmiyyətinə toxunub. Azərbaycan Respublikasının Milli Məclisi ilə Rusiya Federasiyasının Federal Məclisinin Parlamentlərarası Əməkdaşlıq Komissiyasının rolu vurğulanıb.

Valentina Matviyenko Prezident İlham Əliyevlə görüşünü və aparılmış müzakirələri məmnunluqla qeyd edib. Həmçinin Birinci vitse-prezident Mehriban Əliyeva ilə humanitar əlaqələrin bütün istiqamətləri üzrə apardığı fikir mübadiləsindən danışıb.

Federasiya Şurasının sədri Heydər Əliyevin 100 illik yubileyinin Rusiyada da geniş qeyd olunduğunu bildirib.

Valentina Matviyenko həmçinin, Prezident İlham Əliyevin rəhbərliyi ilə Azərbaycanın beynəlxalq səviyyədə artan rolunu qeyd edib. Vurğulanıb ki, Azərbaycan beynəlxalq tədbirləri, mədəniyyətlərarası dialoqu təşviq edən forumları, həmçinin, nəhəng iqtisadi layihələri uğurla həyata keçirir. O, bütün təzyiqlərə baxmayaraq, böyük iştirakçı sayının təmin olunduğu və mühüm nəticələrin əldə edildiyi COP29-un uğurla reallaşdırıldığını vurğulayıb, öz təbriklərini çatdırıb.

Oxşar xəbərlər
Oxşar xəbərlər
Prezident sərəncam imzalayıb
Siyasət 17:08
Prezident sərəncam imzalayıb
Rəsmi Bakı Paşinyanın ofisinin bəyanatını rədd edir
Siyasət 15:32
Rəsmi Bakı Paşinyanın ofisinin bəyanatını rədd edir
Milli Məclis Prezident və xanıma bayram məktubu ünvanlayıb
Siyasət 13:04
Milli Məclis Prezident və xanıma bayram məktubu ünvanlayıb
Azərbaycan Ordusuna aid videomateriallar yaymış şəxs istintaqa cəlb edilib
Siyasət 12:53
Azərbaycan Ordusuna aid videomateriallar yaymış şəxs istintaqa cəlb edilib

Azərbaycan Ordusunun mövqeləri növbəti dəfə atəşə tutulub
Siyasət 11:24
Azərbaycan Ordusunun mövqeləri növbəti dəfə atəşə tutulub
Milli Məclisin növbəti iclası başlayıb
Siyasət 11:02
Milli Məclisin növbəti iclası başlayıb
Prezident və xanımı Ağdərənin Umudlu kəndinə gedən avtomobil yolunun açılışında iştirak edib
Siyasət 09:51
Prezident və xanımı Ağdərənin Umudlu kəndinə gedən avtomobil yolunun açılışında iştirak edib
Azərbaycan ordusunun mövqeləri yenidən atəşə tutulub
Siyasət 09:23
Azərbaycan ordusunun mövqeləri yenidən atəşə tutulub
Azərbaycan Ordusunun mövqeləri atəşə tutulub
Siyasət 22:36
Azərbaycan Ordusunun mövqeləri atəşə tutulub
Anews TV

Rəsmi Youtube kanalımız

Abunə ol