Sərt qış fermerləri çətin vəziyyətdə qoyub: 5 min manatlıq ziyan dəyib

Bu il qışın sərt keçməsi Astarada sitrus bağlarının, əsasən də limon ağaclarının şaxtavurması ilə nəticələnib. Ağaclarda qalan meyvələr çürüyüb, yarpaqlar saralıb, ağac özü isə quruyub.

Fermerlərə orta hesabla 4-5 min manata yaxın ziyan dəyib.

“Bu il qış sərt keçdi, bizə çox ziyanı dəydi. Təqribən 7-8 min limonu şaxta vurub, hamısı tökülüb yerə. İlk dəfədir ki, bu hal olur. 71 yaşımdayam, bu yaşa qədər belə şey görməmişəm”, – deyə fermer bildirib.

Astara rayonunda sitrus meyvə bağlarının əksəriyyəti 2018-ci ildən salınan birdəfəlik bağlardır. Fermerlər bu bağlara görə birdəfəlik subsidiyalarla bəhrələnib və subsidiyaların nəticəsi olaraq sitrus meyvə bağları 2200 hektardan 4563 hektara çatdırılıb