ADY yağışlı və küləkli hava ilə bağlı sərnişinlərə çağırış edib

Azərbaycan Dəmir Yolları (ADY) ölkə ərazisində müşahidə olunan yağışlı və küləkli hava şəraiti ilə əlaqədar müvafiq tədbirlər həyata kkeçirirBu barədə ADY məlumat yayıb.

Bildirilib ki, hazırda əməkdaşlar dəmir yolu ərazilərinə nəzarət edir, qatarlar isə qrafik üzrə hərəkətini davam etdirir.

ADY sərnişinləri görmə məsafəsinin məhdudlaşa və yer səthinin sürüşkən ola biləcəyini nəzərə alaraq platformalarda hərəkət edərkən və dəmiryol keçidlərindən keçərkən diqqətli olmağa çağırıb.