İsmayıllıda iki avtomobil toqquşub, xəsarət alanlar var

İsmayıllıda avtomobil qəzası baş verib.

APA xəbər verir ki, hadisə İsmayıllı rayonunun Təzəkənd kəndi ərazisində baş verib.

“Range Rover” və “Opel” markalı avtomobillər toqquşub. Nəticədə 1988-ci il təvəllüdlü Anar Anar, 1961-ci il təvəllüdlü Ramiz Ömərov və 1963-cü il təvəllüdlü Nailə Ömərova müxtəlif dərəcəli bədən xəsarətləri ilə rayon mərkəzi xəstəxanasına çatdırılıb.

Onların vəziyyətlərinin orta ağır olduğu bildirilir.

Faktla bağlı araşdırma aparılır.