İlham Əliyev Məsud Pezeşkiana zəng edib

Azərbaycan Prezidenti İlham Əliyev İran Prezidenti Məsud Pezeşkiana telefonla zəng edib. Bu barədə Azərbaycan Prezidentinin Mətbuat Xidməti məlumat yayıb.

Dövlət başçısı Məsud Pezeşkianı ad günü münasibətilə təbrik edib, ona möhkəm cansağlığı, uzun ömür və fəaliyyətində uğurlar arzulayıb.

İran Prezidenti göstərilən diqqətə və təbrikə görə İlham Əliyevə minnətdarlığını bildirib.

Telefon danışığı zamanı dövlət başçıları avqustun 31-də Bişkekdə keçirilmiş son görüşlərini və həmin görüşdə müzakirə olunan məsələləri məmnunluqla xatırlayıblar. Həmin görüşdə Azərbaycan-İran münasibətlərinin inkişaf perspektivləri və müxtəlif sahələrdə əməkdaşlıq məsələləri müzakirə olunub.

Söhbət zamanı Azərbaycan hökuməti nümayəndə heyətinin hazırda İranda səfərdə olduğu və səfər çərçivəsində ikitərəfli münasibətlərin gündəliyində duran məsələlər üzrə müzakirələrin aparıldığı qeyd edilib.