Polşa Serb prezidentini ərazisinə buraxmayacaq

Polşa Serb Respublikasının Prezidenti Milorad Dodikin ərazisinə daxil olmasını qadağan edəcək.Bu barədə Polşa Xarici İşlər Nazirliyi məlumat yayıb.

“Milorad Dodikin ölkəyə girişinə qadağa qoyulması proseduruna başlanılıb. Bu, hələ də davam edir və bir neçə gün ərzində tamamlanacaq”, - məlumatda bildirilir.

Bundan əvvəl Avstriya və Almaniya “Bosniya və Herseqovinadakı konstitusiya böhranını” əsas gətirərək Dodikə ölkəyə giriş qadağası qoyub. Vyana və Berlin “konstitusiya böhranına görə məsuliyyət daşıyanlara qarşı təcili olaraq əlavə tədbirlər görməyə” qərar veriblər.