İlham Əliyev Müctəba Xameneyini İranın ali rəhbəri seçilməsi münasibətilə təbrik edib

Azərbaycan Prezidenti İlham Əliyev İranın Ali Rəhbəri vəzifəsinə seçilən Ayətullah Seyid Müctəba Hüseyni Xameneyiyə təbrik məktubu göndərib.

Məktubda İlham Əliyev Müctəba Xameneyini yeni vəzifəyə seçilməsi münasibətilə təbrik edib.

Dövlət başçısı, həmçinin İranın əvvəlki Ali Rəhbəri Ayətullah Seyid Əli Xameneyinin vəfatı ilə əlaqədar başsağlığı verərək bunun böyük itki olduğunu qeyd edib.

Məktubda bildirilib ki, Azərbaycan ilə İran arasında münasibətlər tarixən mehriban qonşuluq və dostluq ənənələrinə əsaslanır və tərəflərin dövlətlərarası əlaqələrin qarşılıqlı hörmət və etimad əsasında inkişafı üçün birgə səylər göstərəcəklərinə ümid ifadə olunub.

İlham Əliyev sonda Müctəba Xameneyiyə fəaliyyətində uğurlar, İran xalqına isə sülh və əmin-amanlıq arzulayıb.