Prokuror “Abzas Media” işi üzrə 6 nəfərə 11-12 il həbs tələb edib

Mayın 20-də Bakı Ağır Cinayətlər Məhkəməsində hakim Zeynal Məmmədovun sədrliyi ilə “Abzas Media” işi üzrə növbəti məhkəmə iclası keçirilib.

İclasda dövlət ittihamçısı Əli Malışov çıxış edərək təqsirləndirilən şəxslər – Ülvi Həsənli, Fərid Əhmədov və Hafiz Babalı üçün 12 il, Məhəmməd Kərkalov üçün 11 il, Sevinc Vaqifqızı və Nərgiz Absalamovaya isə hər birinə 11 il azadlıqdan məhrumetmə cəzası verilməsini məhkəmədən tələb edib.

Adıçəkilən jurnalistlər bir neçə aydır həbsdə saxlanılır və onlara qarşı Cinayət Məcəlləsinin qaçaqmalçılığı nəzərdə tutan maddəsi ilə ittihamı irəli sürülüb.

Müdafiə tərəfi ittihamların əsassız olduğunu və onların  jurnalist fəaliyyətləri ilə bağlı həbs edildiyini bildirib. 

Növbəti məhkəmə prosesi iyunun 10-na təyin olunub.

Aytac Zeynalova