“Bitcoin”in qiyməti 117 min dolları keçib

Kriptovalyuta birjalarında "Bitcoin"in qiyməti 6.12% rekord həddə bahalaşaraq 117 804 ABŞ dolları təşkil edib. Bu barədə “CoinMarketCap” platformasında qeyd olunub.

"Ethereum"un qiyməti 8.09% artaraq 3004 ABŞ dollarına bərabər olub.

ABŞ Prezidenti Donald Trampın strateji kriptovalyuta ehtiyatı yaratmaq barədə fərman imzalaması fonunda Bitkoinin qiyməti 85,7 min dollara qədər enmişdi. Lakin investorların bazara güvəninin artması və tələb-təklif balansının dəyişməsi nəticəsində Bitkoin qısa müddətdə rekord həddə çatıb.

Bitkoinin qiyməti daha əvvəl 2024-cü il dekabrın 17-də 108,353 min dollara qədər yüksələrək bütün zamanların ən yüksək həddinə çatmışdı.

Aytac Zeynalova