Lənkəranda ikimərtəbəli ev yanıb

Lənkəranda yanğın hadisəsi baş verib.

“Qafqazinfo” xəbər verir ki, hadisə rayonunun Boladi kəndi ərazisində qeydə alınıb.

Kənd sakini 59 yaşlı Vasif  Məlikova məxsus ikimərtəbəli evdə yanğın olub. Yanğının miqyasının qısa müddətdə sürətlənməsi əraziyə gələn  yanğından mühafizə bölməsinin əməkdaşlarının işini çətinləşdirib. Ev əşyaları ilə birlikdə tamamilə yanıb.

Yanğının digər tikililərə keçməsinin qarşısı alınıb.

Faktla bağlı araşdırma aparılır.