ABŞ vitse-prezidenti fevralda Azərbaycan və Ermənistana səfər edəcək – Tramp

ABŞ-nin vitse-prezidenti Cey Di Vens fevral ayında Vaşinqtonun Cənubi Qafqazda davam edən sülh təşəbbüsləri çərçivəsində Azərbaycan və Ermənistana səfər edəcək. Bu barədə ABŞ Prezidenti Donald Tramp “Truth Social” platformasında yazıb.

Trampın sözlərinə görə, səfər Azərbaycan və Ermənistan arasında sülh prosesinin irəlilədilməsinə, eləcə də “Beynəlxalq Sülh və Rifah naminə Tramp Marşrutu” (TRIPP) adlanan təşəbbüsün həyata keçirilməsinə yönəlib.

ABŞ prezidenti bildirib ki, Vaşinqton Azərbaycanla strateji tərəfdaşlığı gücləndirməyi, Ermənistanla isə sülh təşəbbüsləri və iqtisadi layihələr daxil olmaqla əməkdaşlığı genişləndirməyi planlaşdırır.