Azərbaycan regional hərbi eskalasiyadan narahatlığını ifadə edib

Regionda və qlobal səviyyədə təhlükəsizlik və sabitlik üçün ciddi təhdid yaradan hərbi eskalasiya dərin narahatlıq doğurur. Azərbaycan XİN bəyanatında bildirilib. 

Rəsmi bəyanatda bütün tərəflər qəti şəkildə maksimum təmkin nümayiş etdirməyə, gərginliyi daha da artıracaq hərəkətlərdən çəkinməyə və danışıqlar masasına qayıtmağa çağırılıb.

Bəyanatda, həmçinin, Birləşmiş Millətlər Təşkilatının Nizamnaməsinə və beynəlxalq hüququn hamılıqla tanınmış norma və prinsiplərinə uyğun olaraq bütün dövlətlərin suverenliyinə, ərazi bütövlüyünə və müstəqilliyinə hörmət edilməsinin vacibliyi vurğulanıb.

Rəsmi Bakı vəziyyəti diqqətlə izlədiyini və regional sabitliyin qorunmasının prioritet olduğunu qeyd edib.