Bakı metrosunda qatarlar arasında interval növbəti dəfə azaldılır

"Bakı Metropoliteni" QSC qatarların hərəkət qrafikinin optimallaşdırılması və sərnişin axınının tənzimlənməsi istiqamətində növbəti yeniliklər edib.

Bu barədə səhmdar cəmiyyətdən bildirilib.

Məlumata görə, sərnişin sayında müşahidə edilən artım nəzərə alınaraq, texniki sistemlərdə aparılan təkmilləşdirmə və rəqəmsal həllərin tətbiqi sayəsində pik vaxtlarda "28 May–Əhmədli" sahəsində hər iki istiqamətdə saatda 36 cüt qatar hərəkət edir, günorta saatlarında – 12:30-14:30 və 16:00-17:00 aralıqlarında Yaşıl və Qırmızı xətlərdə 30 saniyə azaldılmış interval tətbiq olunur, səhər, günorta və axşam saatlarında xətlərə "Koroğlu", "28 May", "Gənclik" və "Elmlər Akademiyası" stansiyalarına qədər sərnişinsiz hərəkət edən qatarlar verilir.