Dəm qazından zəhərlənən uşaqlar heç vaxt məktəbə getməyiblər

Sumqayıtın Tağıyev qəsəbəsində yaşayan 9 uşaqdan 5-i məktəbə getməli yaşda olmasına baxmayaraq təhsildən yayınıb. Bu barədə anews.az məlumat əldə edib. 

Belə ki, elektron portalda onların adlarını tapmaq mümkün olmayıb. 

Hadisə bir neçə gün öncə dəm qazından zəhərlənmə ilə gündəmə gəlib, nəticədə 2 yaşlı uşaq ölüb, digər 2-sinin vəziyyəti ağırdır. 

Ailə, Qadın və Uşaq Komitəsi anews.az-ın sorğusuna cavab olaraq bildirib ki, yaxın vaxtlarda ətraflı məlumat veriləcək. Ombudsman isə uşaqlarla bağlı hər hansı müraciət daxil olmadığı üçün bildirib ki, onların durumu ilə maraqlanmaq qurumun səlahiyyətində deyil.

Aytac Zeynalova