Lerikin bir neçə kəndində elektrik enerjisinin verilişi müvəqqəti məhdudlaşdırılacaq

Bu gün Lerik rayonu ərazisində elektrik şəbəkəsində aparılacaq təmir işləri ilə əlaqədar bir neçə kənddə enerji təchizatında müvəqqəti məhdudiyyət yaranacaq.

Məlumatı Azərişıq ASC yayıb. Bildirilib ki, Lerik Elektrik Şəbəkəsinin ərazisində 110/35/10 kV-luq "Lənkəran-1" yarımstansiyasından çıxan 35 kV-luq "Hamarat" hava xəttində planlı təmir işləri aparılacaq.

Bununla əlaqədar saat 10:00-dan 13:00-a qədər Bürsülüm, Əliabad, Hamarat, Rvarud və Veri kəndlərinin bir hissəsində elektrik enerjisinin verilişində məhdudiyyət olacaq.

Qurum qeyd edib ki, təmir işləri başa çatdıqdan sonra həmin ərazilərin daha keyfiyyətli elektrik enerjisi ilə təmin olunması nəzərdə tutulur.