Azərbaycan Ermənistandan şəkər ala bilər

Azərbaycanın Ermənistan şirkətindən təxminən 20 min tona yaxın şəkər idxal edəcəyi müzakirə edilir. Bu barədə Ermənistan mətbuatı məlumat yayıb.  

Məlumata görə, tərəflər arasında razılaşma hazırda danışıqlar mərhələsindədir və yekun qərar hələ qəbul edilməyib.

Nəşr bildirir ki, mümkün tədarük Ermənistanlı iş adamı Harutyun Knaryan-a məxsus “Smart Yükdaşıma” şirkəti vasitəsilə həyata keçirilə bilər.

Azərbaycan tərəfi bununla bağlı hər hansı açıqlama verməyib. 

Bundan əvvəl Ermənistanın iqtisadiyyat naziri Kevork Papoyan açıqlama vermişdi ki,  Azərbaycanda konkret məhsulların idxalında maraqlı olan şirkətlər mövcuddur. 

Gülnar Nazimqızı