Maduronun işi üzrə məhkəmə prosesinin başlanma tarixi açıqlanıb

ABŞ-nin Nyu-York şəhərində Venesuelanın keçmiş prezidenti Nikolas Maduro və həyat yoldaşı Siliya Floresin işi üzrə növbəti məhkəmə iclası keçirilib. Təxminən 20 dəqiqə davam edən iclasda məhkəmə prosesinin təqvimi və təşkilati məsələləri müzakirə olunub.Bu barədə xarici media xəbər verir.

ABŞ Dairə Məhkəməsinin hakimi Elvin Hellersteyn prokurorluğun vəsatətini nəzərə alaraq məhkəmə dinləmələrinin 2027-ci il iyunun 1-də başlamasına qərar verib.

İclasdan sonra Maduro və Floresin saxlanıldıqları Bruklin həbsxanasına qaytarılacaqları bildirilib. Cütlük 2026-cı ilin yanvarından ABŞ-də həbsdə saxlanılır.