Şahbaz Şərif və Məsud Pezeşkian regional məsələləri müzakirə ediblər

Pakistanın Baş naziri Şahbaz Şərif ilə İran Prezidenti Məsud Pezeşkian arasında telefon danışığı olub, tərəflər regional məsələləri müzakirə ediblər.Bu barədə Şahbaz Şərif “X” sosial şəbəkəsində paylaşım edib.

Şərif bildirib ki, telefon danışığında İranla davam edən qarşılıqlı fəaliyyət məsələləri nəzərdən keçirilib, həmçinin daha əvvəl İranın xarici işlər naziri Abbas Əraqçi ilə aparılan danışıqlar müzakirə olunub.

Pakistanın Baş naziri vurğulayıb ki, ölkəsi tərəfdaşlarının dəstəyi ilə regionda davamlı sülh və sabitliyin təşviqi məqsədilə vasitəçilik səylərini davam etdirməyə sadiqdir.