Rusiya ABŞ-yə demarş elan edib

ABŞ-də keçiriləcək G20 sammiti ərəfəsində Rusiya nümayəndə heyətinin bir üzvünün tədbirlərə buraxılmaması Moskva ilə Vaşinqton arasında diplomatik gərginliyi artırıb.

Rusiyanın Xarici İşlər Nazirliyi ABŞ-yə rəsmi demarş elan edildiyini açıqlayıb. Nazirliyin İqtisadi Əməkdaşlıq Departamentinin direktoru Dmitri Biriçevski bildirib ki, vizası olan nümayəndə heyəti üzvü “texniki səhv” səbəbi ilə tədbirdən kənarlaşdırılıb.

Biriçevskinin sözlərinə görə, hadisə ABŞ-nin G20-yə sədr ölkə kimi öhdəliklərini tam yerinə yetirə bilmədiyini göstərir.

İnsident ABŞ Prezidenti Donald Trampın Rusiya Prezidenti Vladimir Putini G20 sammitinə dəvət edə biləcəyi ilə bağlı məlumatların yayıldığı vaxta təsadüf edib. Lakin Tramp hələlik Putinə rəsmi dəvət göndərmədiyini bildirib.