Fransa Malidəki vətəndaşlarını ölkəni təcili tərk etməyə çağırıb

Fransa Xarici İşlər Nazirliyi Malidə olan vətəndaşlarını ölkəni mümkün qədər tez tərk etməyə çağırıb.Bu barədə XİN-in yaydığı bəyanatda bildirilib.

Bu çağırış aprelin 25-də Malinin bir sıra bölgələrində baş vermiş silahlı toqquşmalardan sonra təhlükəsizlik vəziyyətinin qeyri-sabit olaraq qalması ilə əlaqədardır.

Nazirlik Fransa vətəndaşlarına kommersiya reyslərindən istifadə edərək ölkəni tərk etməyi tövsiyə edib.

Bəyanata görə, Malidə qalmağa davam edən vətəndaşlara yaşayış yerlərini tərk etməmək, yaxınları ilə əlaqə saxlamaq və yerli hakimiyyət orqanlarının məlumatlarını diqqətlə izləmək məsləhət görülüb.

Fövqəladə vəziyyət yaranacağı təqdirdə isə Fransa vətəndaşlarına baş konsulluqla əlaqə saxlamaq tapşırılıb.