TƏBİB optimallaşma adı altında çox ciddi ixtisarlar aparır -deputat

Kitabxana sistemində aparılan optimallaşdırma prosesində ixtisaslı kadrların qorunmasının vacibdir. Bunu Milli Məclisin deputatı Tənzilə Rüstəmxanlı mədəniyyət naziri Adil Kərimliyə müraciət edərək deyib.

Deputat çıxışında TƏBİB-də həyata keçirilən optimallaşdırma prosesini nümunə göstərərək deyib.

"TƏBİB-in xətti ilə optimallaşma adı altında rayonlarda tibb sahələrində, deməli, çox ciddi ixtisarlar gedir və işsizlik ordusu yaranır. Mənim sizdən çox ciddi bir xahişim odur ki, bu ad altında ixtisarları edəndə işçilər əlbəttə azalacaq.Kitabxana sistemi elədir ki, bir kadr yetişdirmək üçün əvvəlcə universitetin kitabxana fakültəsi var idi ki, sırf bunu yetişdirirdilər. Hətta o qədər savadlı olurdular ki, məktəblərdə kənd yerlərində ədəbiyyat müəllimi çatmayanda kitabxanaçılıq ixtisasını  bitirənləri ora yönləndirirdilər. Buna diqqət edilsin, mütəxəssislər qorunub saxlanılsın, çünki əlimizdə yeni təyin etdiyimiz mütəxəssislər çox az saydadır, köhnəni isə qoruyub saxlaya bilərik."- deputat bildirib.

Deputat hesab edir ki, kitabxana sistemində aparılan islahatlar zamanı peşəkar və təcrübəli kadrların qorunması gələcəkdə bu sahənin inkişafı üçün mühüm əhəmiyyət daşıyır.

Gülnar Nazimqızı