Yeniyetmələrin hüquqi bilik mənbəyi əsasən sosial media olub

Yeniyetmələrin hüquqi bilikləri əldə etdikləri əsas mənbənin sosial mediadır. Bunu təhsil eksperti Qoşqar Məhərrəmov Ailə, Qadın və Uşaq Problemləri üzrə Dövlət Komitəsi tərəfindən hazırlanmış “Azərbaycanda yeniyetmələrin hüquq düşüncəsi” adlı tədqiqat hesabatının və “Uşaqlar və Hüquq” adlı kitabın təqdimat mərasimi zamanı deyib.

O bildirib ki, respondentlərin 52 faizi hüquqi məlumatları sosial media platformalarından əldə etdiyini bildirib.

"Araşdırmaya əsasən, məktəblər 18 faizlə ikinci yerdə qərarlaşıb. Hüquqi biliklərin əldə edilməsində ailənin payı 12 faiz, dostların payı isə 6 faiz təşkil edib. Respondentlərin 8,74 faizi bu suala cavab olaraq “bilmirəm/yoxdur” variantını seçib. Kitab və digər yazılı mənbələrdən istifadə edənlərin göstəricisi isə 3,26 faiz olub",- o vurğulayıb.

Onun sözlərinə görə, yeniyetmələrin hüquqi məlumatları əsasən sosial media vasitəsilə əldə etməsi müəyyən risklər yaradır. 

"Buməlumatların əhəmiyyətli hissəsi yoxlanılmamış, qeyri-formal və bəzi hallarda manipulyativ mənbələrdən, xüsusilə TikTok və Instagram kimi platformalardan gəlir",- o əlavə edib.

Aytac