Texniki qəza 8 kəndin qaz təchizatını dayandırıb

Cəlilabad rayonunda aparılan qazıntı işləri zamanı yeraltı qaz kəmərinin zədələnməsi nəticəsində 8 kəndin qaz təchizatında fasilə yaranıb.

Məlumata görə, rayonun Bəcrəvan kəndində müvafiq qurum tərəfindən həyata keçirilən qazıntı işləri zamanı yeraltı qaz kəməri zədələnib və qaz sızması baş verib.

Qəzanın aradan qaldırılması və təhlükəsizlik tədbirlərinin görülməsi məqsədilə Privolnoye, Hacıcavad, Ağdaş, Soyuqbulaq, Çünzəli, Xəlilabad, Hamarqışlaq və Allahverən kəndlərinin qaz təchizatı müvəqqəti dayandırılıb.

Hazırda qəzanın nəticələrinin aradan qaldırılması istiqamətində işlər aparılır. Qaz təchizatının bərpa olunacağı vaxt barədə əlavə məlumat veriləcək.