Bakı–Balakən qatarlarının hərəkət marşrutu müvəqqəti dəyişdirilir

Bu gündən iyulun 20-dək Bakı–Balakən marşrutu üzrə sərnişin qatarları Qax stansiyasına qədər hərəkət edəcək, Balakəndən Bakıya reyslər isə Qax stansiyasından yola düşəcək. Bu barədə "Azərbaycan Dəmir Yolları" QSC (ADY) məlumat yayıb.

ADY-nin məlumatına əsasən, eyni müddətdə Qorağan, Əliabad, Zaqatala, Göyəm və Balakən stansiyalarına bilet satışı müvəqqəti dayandırılıb.

Qurum bildirib ki, sərnişinlərin həmin stansiyalarla Qax stansiyası arasında daşınmasını təmin etmək üçün ödənişsiz avtobuslar ayrılacaq.