Gələcəkdə Çinə bir neçə istiqamətin açılması imkanları nəzərdən keçirilir

Çin bazarı "Azərbaycan Hava Yolları" QSC-nin (AZAL) prioritet istiqamətlərindən biridir və aviaşirkət gələcəkdə bu ölkəyə bir neçə yeni marşrutun açılması imkanlarını nəzərdən keçirir.Bu barədə "Report"a AZAL-dan məlumat verilib.

Şirkət marşrut şəbəkəsinin genişləndirilməsi istiqamətində davamlı təhlillər aparır və müxtəlif bazarlarda yeni imkanları dəyərləndirir.

"Yeni reyslərin açılması ilə bağlı qərarlar zəruri kommersiya və əməliyyat prosedurları başa çatdıqdan sonra qəbul edilir. Konkret istiqamətlər barədə məlumat yalnız yekun qərar verildikdən sonra ictimaiyyətə açıqlanır", – aviaşirkətdən bildirilib.

Hazırda AZAL Bakı–Pekin marşrutu üzrə həftədə üç dəfə birbaşa uçuş həyata keçirir.