Azərbaycan və Rusiya aqrar sahədə əməkdaşlığı müzakirə edib

Azərbaycan və Rusiya arasında aqrar sahədə əməkdaşlıq müzakirə edilib. Bu barədə  Kənd Təsərrüfatı Nazirliyindən məlumat verilib.

Bildirilib ki, müzakirələr nazir Məcnun Məmmədovun qonşu ölkənin Prezidentinin köməkçisi, iqlim və su ehtiyatları üzrə xüsusi nümayəndəsi Ruslan Edelgeriev arasında keçirdiyi görüşdə aparılıb.

Görüş zamanı iki ölkə arasında kənd təsərrüfatı sahəsində mövcud vəziyyət müzakirə olunub, tərəflər iqtisadiyyatın digər sahələrində olduğu kimi, aqrar sahədə də əməkdaşlığın inkişaf etdiyini vurğulayıblar, eləcə də Xəzər dənzinin səviyyəsinin aşağı düşməsi, aqrar sahəyə dair yeni Dövlət Proqramının əsas məqsədlərindən biri olan su resurslarına qənaət etmək üçün suvarma sistemlərinin müasirləşdirilməsi, quraqlığa və xəstəliyə davamlı bitki sortlarının qarşılıqlı sınaqlarının təşkil edilməsi, hər iki ölkə ərazisində keçirilən beynəlxalq sərgi, yarmarka və aqrar festivallarda qarşılıqlı iştirak məsələərini nəzərdən keçiriblər.