Toplum TV işi üzrə hökm oxunub

Bakı Ağır Cinayətlər Məhkəməsində keçirilən prosesdə Toplum TV işi üzrə hökm oxunub.

Prokuror Akif Qurbanov və Ruslan İzzətli barəsində 15 il, Ələsgər Məmmədli və Əli Zeynal barəsində 14 il, Ramil Babayev, İlkin Əmrahov və Müşfiq Cabbar barəsində 13 il, Fərid İsmayılov 12 il və Elmir Abbasov barəsində isə 11 il 11ay 28 gün müddətinə azadlıqdan məhrum edilib.

Elmir Abbasovun vəkili Elçin Sadıqov bildirir ki, qərar ilə bağlı Apellyasiya şikayəti veriləcək.

"Ümumilikdə məhkəmənin qərarını ədalətsiz qəbul edirəm. Bizim müdafiə tərəfinin qaldırdığı heç bir vəsatət  təmin olunmayıb və birtərəfli aparılıb. Ona görə biz mütləq bu hökmlə bağlı apellyasiya şikayəti verəcəyik",- o vurğulayıb .

Ötən il martın 6-da "Toplum TV"  yerləşdiyi ofisdə və daha bir neçə ünvanda Daxili İşlər Nazirliyi tərəfindən əməliyyat keçirilib.

"Toplum TV"nin həmtəsisçiləri Akif Qurbanov, Ələsgər Əhmədoğlu (Məmmədli), əməkdaşları və III Respublika Platformasının qurucu üzvü Ruslan İzzətli barəsində həbs qətimkan tədbiri seçilib. Onlara qarşı Cinayət Məcəlləsinin 206.3.2 (qaçaqmalçılıq qabaqcadan əlbir olan bir qrup şəxs tərəfindən törədildikdə) maddəsi ilə cinayət işi açılıb.

Daha sonra iş üzrə təqsirləndirilən şəxslərə qarşı əlavə olaraq ittihamlar (Cinayət Məcəlləsinin 162-1.1, 192.3.2, 193-1.3.1, 193-1.3.2, 206.4, 213.2.1 maddələri ilə) irəli sürülüb.

Aytac Zeynalova