Paytaxtın bu ərazilərində işıq kəsiləcək

İyulun 28-də Bakının Yasamal, Nərimanov və Xətai rayonlarının bəzi ərazilərində təmir-təftiş işləri ilə əlaqədar elektrik enerjisinin verilişində müvəqqəti məhdudiyyətlər tətbiq ediləcək. Bu barədə "Azərişıq" məlumat yayıb.

Məlumata görə, Yasamal Rayon Enerji Təchizatı və Satışı İdarəsinin xidmət ərazisində saat 10:00-dan 13:00-dək Mətbuat prospekti və Ayna Sultanova küçəsinin bir hissəsində elektrik enerjisinin verilişi məhdudlaşdırılacaq.

Nərimanov rayonunda isə İzzəddin Həsənoğlu, Aşıq Molla Cümə və Təbriz küçələrində yerləşən çoxmənzilli yaşayış binalarında saat 09:00-dan 13:00-dək elektrik enerjisinin verilişi mərhələli şəkildə dayandırılacaq.

Xətai rayonunda Məzahir Rüstəmov, Seyid Əzim Şirvani, Məhəmməd Hadi, Lütfüzadə, Qaçaq Nəbi və Sarayevo küçələrində saat 10:00-dan 16:00-dək elektrik enerjisinin verilişində məhdudiyyətlər olacaq.

Qurumdan bildirilib ki, təmir işləri elektrik təchizatının keyfiyyətinin yüksəldilməsi və artan yük tələbatının qarşılanması məqsədilə aparılır. İşlər başa çatdıqdan sonra həmin ərazilərin daha keyfiyyətli və dayanıqlı elektrik enerjisi ilə təmin olunması nəzərdə tutulur.