DİN: bir gündə 38 cinayət açılıb, 103 axtarışda olan şəxs saxlanılıb

İyulun 27-də Azərbaycanda qeydə alınan 38 cinayətin, eləcə də əvvəlki dövrlərdən bağlı qalmış 5 cinayətin açılması polis əməkdaşları tərəfindən təmin edilib.

Daxili İşlər Nazirliyinin (DİN) Mətbuat Xidmətindən verilən məlumata görə, axtarışda olan ümumilikdə 103 nəfər, o cümlədən borclu şəxs qismində axtarılan 74 nəfər saxlanılaraq aidiyyəti üzrə təhvil verilib.

Məlumata əsasən, gün ərzində narkotiklərlə əlaqəli 10, qanunsuz saxlanılan silah-sursatın götürülməsi və aşkarlanması ilə bağlı isə 6 fakt müəyyən edilib.

Həmçinin cinayət törətməkdə şübhəli bilinən 35 nəfər saxlanılıb.

Gülnar Nazimqızı