DİN: bir gündə 50 cinayət açılıb

İyulun 30-da Azərbaycanda qeydə alınan 50 cinayətin açılması polis əməkdaşları tərəfindən təmin edilib. Bu barədə Daxili İşlər Nazirliyinin (DİN) Mətbuat Xidməti məlumat yayıb.

Məlumata görə, axtarışda olan ümumilikdə 107 nəfər, o cümlədən borclu şəxs qismində axtarışda olan 77 nəfər saxlanılaraq aidiyyəti üzrə təhvil verilib.

Nazirlik bildirib ki, ötən gün narkotiklərlə əlaqəli 14 fakt, qanunsuz saxlanılan silah-sursatın aşkar edilərək götürülməsi ilə bağlı isə 8 fakt müəyyən olunub.

Bundan əlavə, cinayət törətməkdə şübhəli bilinən 56 nəfər polis əməkdaşları tərəfindən saxlanılıb.