Ötən gün 45 cinayətin üstü açılıb

Daxili İşlər Nazirliyi (DİN) bildirib ki, iyulun 31-də ölkə üzrə 45 qeydə alınmış cinayətin, eləcə də əvvəlki dövrlərdən bağlı qalan daha 11 cinayətin üstü açılıb. 

Nazirliyin məlumatına görə, polis əməkdaşları axtarışda olan 111 nəfəri, o cümlədən borclu şəxs qismində axtarılan 80 nəfəri saxlayaraq aidiyyəti üzrə təhvil veriblər.

Hesabat dövründə narkotiklərlə bağlı 18 fakt, qanunsuz saxlanılan silah və sursatın aşkarlanması ilə bağlı isə 7 fakt müəyyən edilib.

DİN bildirib ki, cinayət törətməkdə şübhəli bilinən 53 nəfər də saxlanılıb