DİN: İki gündə 84 cinayətin üstü açılıb

Avqustun 1-i və 2-də Azərbaycanda qeydə alınan 69 cinayət, əvvəlki dövrlərdən bağlı qalan 15 cinayət olmaqla ümumilikdə 84 cinayətin açılması polis əməkdaşları tərəfindən təmin edilib. Bu barədə Daxili İşlər Nazirliyinin (DİN) Mətbuat Xidməti məlumat yayıb.

Məlumata görə, axtarışda olan ümumilikdə 73 nəfər, o cümlədən borclu şəxs qismində axtarılan 46 nəfər saxlanılaraq aidiyyəti üzrə təhvil verilib.

Həmçinin narkotiklərlə əlaqəli 32, qanunsuz saxlanılan silah-sursatın götürülməsi və aşkarlanması ilə bağlı 7 fakt müəyyən olunub.

DİN-in məlumatına əsasən, cinayət törətməkdə şübhəli bilinən 69 nəfər saxlanılıb.